Dhagayso: Gudoomiyaha Boondheere oo ka hadlay Khasaaraha ay gaysteen Hoobiyaal xalay lagu weeraray Degmadaasi
Guddoomiyaha Degmada Boondheere C/laahi Xersi ayaa ka hadlay weeraro madaafiic ah oo xalay Degmada Boondheere ku dhacday taasi oo ay ka dhasheen khasaaro kala duwan.
Wuxuu sheegay in afar madaafiic ah xalay ay kusoo dhaceen Degmadiisa islamarkaana afar qof ay ku dhaawacmeen kadib markii madfac uu ku dhacay guri ay ku sugnaayeen dadkaasi.
C/laahi Xersi Wardheere ayaa sheegay in weerarada hoobiyeyaasha ah ay ka dambeeyeen Ururka Al-Shabaab ee Dowladda Soomaaliya dagaalka kula jira.
Ciidamada AMISOM ayuu ugu baaqay inay ka shaqeeyaan ammaanka Magaalada Muqdisho si shacabka Soomaaliyeed ay nabad ugu seexdaan.
Xalay saqdii dhexe ayeey aheyd markii madaafiic xoogan lagu soo tuuray agagaarka Madaxtooyada Villa Soomaaliya iyadoo ay ku dhaceen Degmooyin ku dhaw dhaw Madaxtooyada Soomaaliya khasaaro shacabna uu kasoo gaaray.
Ilaa hada lama oga rasmi ahaan cida sida tooska ah uga dambeysay weerarada madaafiicda ah ee xalay lagu qaaday Degmooyin kamid ah Gobalka Banaadir.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
