Dhagayso: Maamulka Dowladda ee gobolka Shabellada dhexe oo ka hadlay dagaalada ay kula jiraan Al-shabab
Dagaalo xoogan oo hubka cul culus leesku adeegsaday ayaa waxay ka dhaceen Gobolka Shabeellaha Dhexe, waxayna dagaaladu geysteen khasaarooyin kala duwan.
Ciidamada Dowladda Soomaaliya iyo Ciidamada Amisom ee fariisimaha ku leh Deegaanka Qalimow, ayaa waxaa xalay dagaalo culus ku soo qaaday Ciidamada Ururka Al Shabaab.
Dagaalo culus oo faraha looga gubtay ayaa waxay labada dhinac ay ku dhex mareyn Deegaanka Qalimow, kaasoo ku yaala inta u dhaxeysa Magaalada Jowhar iyo Degmada Balcad ee Gobolka Shabeellaha Dhexe.
Ciidamada Al Shabaab ayaa waxay gudaha u soo galeen Deegaanka Qalimow, inkastoo markii dambe xoog dib looga saaray, balse intii ay gudaha ugu jireyn Deegaanka Qalimow ayaa waxay gubeen hal gaari oo nooca raaxada ah.
Ilaa 6 askari oo dhinacyadii dagaalamay ah ayaa waxaa la sheegay inay ku dhinteen dagaaladii xooganaa ee xalay labada dhinac ku dhex maray Deegaanka Qalimow, walow aysan kala hadlin dhinacyadii dagaalamay.
Dhanka kale Maamulka Dowladda Soomaaliya ee gobolka Shabeelada dhexe ayaa ka hadlay howlagadii ugu danbeeyay ee Ciidamadda dowladda Soomaaliya iyo kuwa Amisom ka fuliyeen gobolka Shabellada Dhexe.
Afhayeenka Maamulka Dowladda ee gobolka Shabeelada dhexe Daa’uud Ciiro oo warbaahinta la hadlaya ayaa sheegay Ciidamadda dowladdu in ay wadaan howlagadii ugu danbeeyay ee ku donayaan in ay kula wareegaan gobolka Shabellada dhexe.
Wuxuu sheegay Mr Ciro Ciidamadda dowladdu in ay dajiyeen qorshe balaaran oo lagu qabanayo deegaanadda ay iminka kaga harsanyihiin Al-shabaab gobolka.
Ciidamadda dowladda Soomaliya ayaa ku sugan deegaano u dhow magaalada Jowhar ee Xarunta gobolkaasi, waxaana ay hanjabaadani kasoo yeeraysa Maamulka DFS imaanaysa xili dhawaanahaan Ciidamadda Al-shabaab ay weerar ku dhufo oo ka dhaqaqa ka wadeen deegaanada ay Ciidamadda Amisom iyo kuwa dowladdu oga suganyihiin gobolkaasi.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
