Kooxo Hubeysan Oo Galabta Mid Ka Mid Ah Odayaashii Soo Xulay Baarlamaanka Ku Dilay Muqdisho
Muqdisho (Saadaal Media) Waxa galabta lagu dilay xaafadda Nasteexo ee degmada Wadajir mid ka mid ah odayaashii dhaqanka ee soo xulay baarlamaanka Soomaaliya.
Kooxo bastoolado wata ayaa la sheegay in marxuumkan ay ku dileen meel baabuurta la dhigto oo ku taalla xaafadda Nasteexo.
Nabadoonka la dilay oo lagu magaacabi jiray Maxamed Maxamuud Yuusuf (Coddey) ayaa waxa uu ka mid ahaa 135-tii oday dhaqameed ee soo xulay baarlamaanka hadda jira.
Koohixii dilka geestay ayaa sidoo kale qaatay bastoolad uu watay nabadoonka la dilay sida ay lee yihiin dad ku dhaqan xaafadda Nasteexo.
Waa nabadoonkii labaad oo lagu dilay Muqdisho, bishii hore degmada Waabari lagu dilay oday dhaqameed ka mid ahaa kuwii soo xulay baarlamaanka Soomaaliya.
Saadaal Media
Xafiiska Wararka Muqdisho
Tags: Kooxo Hubeysan Oo Galabta Mid Ka Mid Ah Odayaashii Soo Xulay Baarlamaanka Ku Dilay Muqdisho








