Dhagayso: Ahlusunna oo dib u furtay qaar kamid ah Wadooyinka Dhuusa-mareeb
Maamulka Culima’udiinka Ahlusunna Wal-jamaaca ee degmada Dhuusa-mareeb ayaa dib u furay qaar kamid ah wadooyinka gala gudaha degmadaasi oo dhawaan amar ku bixiyeen in aan la mari karin.
Taliyaha dhinaca amniga degmada Dhuusamarreeb Farxaan Macalin Cali “Farabadan” oo warbaahinta la hadlay ayaa sheegay in maamulka Ahlu Sunna uu degmada Dhuusamarreeb ee gobolka Galgaduud uu ka qaaday xayiraadii uu saaray qaar kamid ah wadooyinka gala gudaha dhuusa-mareeb,
Wuxuu sheegay intii ay saarnayd xayiraado in aan cid falal amini xumo wada lagu soo qaban isla markaana la xaqiijiayay amaanka guud ee degmada iyo wadooyinka Soo gala.
Farxaan Macalin Cali ayaa horay u sheegay in 4-wado oo ka baxa degmada Dhuusamarreeb ay xirnaanayaan 2-da cisho ee soo socota, isagoo sheegay in howlgalo ammaanka lagu sugayo ay sameynayaan, wuxuuna sheegay inay si gaar ah u xireen wadooyinka kala ah wadada aadda garoonka diyaaradaha magaalada Dhuusamareeb, tan aadda Baar Cabdi-faarax, Gadoon iyo Xananbuur, kuwaas oo uu sheegay inay u xireen sababo amaan awgeed, wuxuuna sheegay taliyuhu in wadooyinka ay xireen ay yihiin waddooyinka weerarada looga soo qaado sida uu yiri.
Intii ay xirnaayeen wadooyinkaasi ayaa waxaa dhibaato ku qabay qaar kamid ah dadka isticmaala wadada.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
