Dhagayso: Xeefow ” Al-shabaab xagayagay usoo carareen anaguna abaabul baan ku jirnaa”
Sheekh Maxamed Yuusuf Xeefow Gudoomiyaha gudiga fulinta Maamulka Ahlusunna Wal-jamaaca ee ka arimiya qaybo kamid ah gobolada dhexe ee Soomaaliya ayaa ka hadlay ka bixitaanka Al-shabaab ee magaalada Jowhar.
Xeefow ayaa ugu horayntii soo dhaweeyay guulaha ay ciidamadda dowladdu ka gaareen Dagaaladii ay kula jireen Xarakada Al-shababa, wuxuuna hambalyo u diray Ciidamadda dowladda iyo kuwa Amisom ee la wareegay Magaalada Jowhar ee Xarunta gobolka Shabellada Dhexe.
Gudoomiye Xeefow ayaa sheegay Kooxihii Al-shabaab ee laga soo saaray Magaalada Jowhar in ay usoo baxsadeen dhinaca gobolka Galgaduud, waxaana uu sheegay abaabulo ay arintaasi oga hortagayaan in ay wadaan.
Sheekh Maxamed Yuusuf Xeefow ayaa xusay Ciidamadda Maamulka Ahlusunna Wal-jamaaca diyaar garow xoogan oo iskaga difaacayaan Al-shabaab in ay ku jiraan, isla markaasina ay dhawaan weeraro ku qaadi doonaan Fariisimaha ay ku leyihiin gobolka galgaduud Al-shabaab.
Xarakada Al-shabaab oo in mudaa ka ariminaysay qaybo kamid ah dalka Soomaaliya ayaa haatan u muuqata mid awoodeedii Millatari ay si wiiqmayso, waxaana laga wareegay deegaano badan oo ka tirsan Koonfurta Soomaaliya, oo ay ku sugnaayeen mudo 4sano ka badan sida Magaalada Jowhar Kismaayo Baydhabo Baladwayn Marka Afgooye iyo goobo kale oo istiraatiiji ahaa oo qaarkood ay ku tiirsanaayeen dhaqaalaha kasoo gala.
