Qorshe lagu doonayo in lagu magacaabo wasiiro ku xigeenada iyo wasiiru-dowlayaasha oo ka socda xarunta Madaxtooyada
Warar ku dhowdhow xarunta madaxtooyada Soomaaliya oo aynu ka helnay ilo lagu kalsoonaan karo ayaa sheegaya in Madaxda ugu sareysa dowladda Soomaaliya ay wada tashiyo ka leeyihiin dhameystirada Golaha wasiirada Soomaaliya, waxaana lasheegay in dhawaan la soo magacaabi doono Wasiiru-dowlayaal iyo wasiir ku xigeeno.
Sida warku sheegayo Madaxweynaha, Ra’iisul Wasaaraha iyo Guddoomiyaha Baarlamaanka ayaa shirar ay ka lahaayeen dhameystirida Golaha Wasiirada soo gaba gabeeyay, iyadoo ay diyaarsanyihiin inta badan xubnaha noqon lahaa Wasiir kuxigeenada iyo wasiiru dowlayaasha.
Inkastoo Xukuumadda cusubi ay tahay mid yar, ayaa hadana la ogeyn in Wasiiru dowlayaasha iyo wasiir kuxigeenada ay ka badan doonaan wasiiradii horay la magacaabay iyo in kale, ha yeeshee waxaa soo baxaya warar kala duwan oo sheegaya in min shan wasiiru dowlayaal iyo wasiir ku xigeeno la magacaabi doono.
Sidoo kale waxaa la hadal hayaa in wasiiru dowlayaasha laga dhigay 6-xubnood, halka wasiir ku xigeenada laga dhigayo afar, iyadoo wali aanay jirin tilmaamo cad oo muujinaya tirada loo kala qoondeeyay wasiiru dowlayaasha iyo wasiir ku xigeenada, balse waxaa la sheegay inaysan ka badnaan doonin 10-xuxbnood ee ay hadda ka koobanyihiin Golaha wasiirada, sidoo kale waxaa kaloo jira warar sheegaya in la iska dhaafay gebi ahaan wasiiru-dowlayaal lagu waday in lamagacaabo mase jirto cid xaqiijineysa arrinkan dambe.
Sida warku sheegayo xubnaha cusub ayaa u badan beelihii aan lagu soo darin golaha wasiirada cusub, waxaa kaloo jira warar aan la xaqiijin oo iyana sheegaya in xubnaha cusub ee la magacaabayo ay ku jiraan qaar ka mid ah mudanayaasha baarlamaanka iyo xubno la sheegayo, inay ahaayeen musharaxiintii u tartantay xilka Madaxweynaha inkastoo aan iyana si rasmi ah loo xaqiijin lama shaacin illaa hadda waqtiga rasmi ahaan lagu dhawaaqayo xabnaha ka dhiman dhismaha golaha wasiirada waxaase la sheegayaa inuu dhamaadyahay wadatashiyadii ku aadanaa arrintaasi lagana yaabo in maalmaha iyo saacadaha soosocda lagu dhawaaqo.
Bahasha sidan ayey ku fcntahay ee waxba yaan lagu so darin