Nin hubaysan oo dalka Mareykanka toogasho ku dilay 26- carruur ah.
Labaatan carruur ah iyo lix qof oo qaangaar ah ayaa ku geeriyootay
dalka Mareykanka kadib markii nin hubaysan uu toogasho ka gaystay
iskuul waxbarsho oo ku yaala dalka Mareykanka.
Ninka hubaysan oo da’diisu ahayd 20-sano jir ayaa geeriyooday kadib
markii uu weerarkan uu gaystay iyadoo ay halleeshay mid ka mid ah
rasaasta uu furay.
Saraakiil Mareykanka ah ayaa sheegay weerarka ka dhacay Sandy Hook
Elementary School uu dhalay mid ka mid ah macalimiinta wax ka dhigta
dugsiga weerarka uu kadhacay.
Waa toogashadii ugu xumaa ee kadhacda dalka Mareykanka, weerar sidan
oo kale oo kadhacay magalaada Verginia sanadkii 2007dii ayaa waxaa ku
dhintay 32 qof.
Warar soo baxaya ayaa sheegaya ninka weerarka gaystay oo lagu
magacaabo Ryan Lanza in la qabtay walaalkii oo magaciis lagu soo koobay
Aadam kaasi oo xiligaan su’aalo laga waydiinayo dhacdadan.
Madaxwaynaha Mareykanka Brack Obama oo isagoo ilmaynaya ka hadlay
warbaahinta ayaa tacsi qaran u diray shacabka Mareykanka iyo eheladii
ay dadka la laayay ay ka baxeen, waxaana uu sheegay dhacdadaadan in
baaritaan lagu samayn doono.
