Xulka K- Kolayga Somalia oo Dhegaha kajafay Xulka Burundi*Daawo Sawirrada*
Ciyaar aad u xiiso badneyd oo ay Xulalka Kubadda Kolayga Soomaaliya iyo Burundi isaga horyimaadeen ayaa gunaanadkeedii waxay natiijadu noqotay 98—80 dhibcood, taasi oo uu ku badiyay xulka qaranka Kubadda Kolayga Soomaaliya.
Xulka Qaranka Kubbadda Kolayga Soomaaliya oo ah mid aad isugu xiran, isla markaana ay ciyaartoyda aad isula qabsadeen ayaa waxay qeybtii hore ee ciyaarta la yimaadeen 50 dhibcood, halka xulka Burundina uu la yimid 40 dhibcood, halkaasina waxaa ka muuqata in xulka Soomaaliya uu badiyay isagoo weli ka gacan-sarreeya xulka Burundi.
Xoghayaha guud ee Xiriirka Soomaaliyeed ee Kubbadda Kolayga, isla markaana ah madaxa wafdiga iyo ciyaartoyda taryankan Saciid Faarax Ducaale oo gebagebadii ciyaarta la hadlay Saxaafadda ayaa sheegay in caawa ay xulkii labaad ka badiyeen, “Caawa shucuurteena aad ayay u kacsan tahay, waayo waxaan ka badinnay xulka Burundi, xalayna sida aad la socotaan waxaan ka badinnay xulka Kenya”ayuu yiri Saciid Faarax.
