Dhagayso:- Wasaarada diinta iyo Awqaafta oo ka hadashay Xariga Wariye C/casiis Koronto
Wasiirka Wasaarada diinta iyo Awqaafta Soomaaliya Mudane C/laahi Ebyan Nuur oo Waraysi siinayya Idaacada BBC-da ayaa ka hadlay Xariga Wariye Koronto iyo sidoo kale arimaha loo haysto.
Cabdullaahi Nuur Abyan Wasiirka ayaa sheegay in dhaamnaba ay soo dhamaadeen Baaritaanadii lagu hayay Wariyaha isla markaana ay harsan tahay oo keliya sidii loo hor gayn lahaa maalmaha soo socda Maxkamadda.
Wasiirka ayaa sheegay in wariyuhu ku eedeysan yahay abaabul falal Been abuur ah isla markaana Kiiskiisu uu haatan hor yaalo Maxkamadda Sare ee Dalka iyadana laga sugayo in ay qaaddo dacwaddaas.
Abyan ayaa intaa ku daray in la hayo Marqaatiyaal ku filan Dacwadda Wariyaha iyo qoraalo kale oo muujinaya sida uu wariyuhu ugu lug lahaa buun buuninta Falkii Kufsi ee Been abuukra ahaa ee laga faafiyay Ciidamada dawladda.
Wasiirka cadaaladda oo hadalkiisa sii wata ayaa intaa raaciyay inaysan jirin wax xad gudub ah oo loo gaystay wariyahaas ama loo gaysanayo isagoona hoosta ka xarriiqay in wariyaha loo qabtay laba Qareen oo ka difaacaysa Kiiska loo haysto
Wasiirka Garsoorka ayaa meesha ka saaray in wariyaha oo in mudda ah xirnaa in mudadaas uu iska xirnaa iyadoo sharciguna uu oggolaanayay in sided iyo afartan saac ka badan aan la iska hayn Karin Muwaadinka isagoona sheegay in mudadii ay hayeen Wariyaha ay warqad ogolaansho ah uga soo qaateen Xeer Ilaalinta oo xalaalisey haynta wariyaha inta ay baaritaanadu ku soconayaan.
Hoos ka dhagayso
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
