DHAGAYSO: Madaxweynaha Maamulka Puntland Oo Lo Doortay Gudoomiyaha Urur siyaasadeedka Horseed
Xarunta Jaamacada PSU ayaa galabta waxa maalinkii saddexaad galay Shirweynaha Urur ISiyaasadeed Horseed oo ay ka qaybgalayso Ergo 500 kor u dhaafaysa oo ka kala timid dhamaan gobollada Puntland.
Gudoomiyaha Ururka Horseed ayaa dhamaan ergadu u codeysey inuu noqdo Dr,Cabdiraxman Maxamed Farole halka ku xigeen kowaad noqdey Gen.Cabdisamad Cali Shire ,ku xigeenka labaadna Cabdirashiid Maxamed Xirsi ,waxana Xoghaynta guud la isku raacey Gen.Cabdulaahi Axmed Jaamac ‘Ilkojiir’.
Salaad Xareed Cali oo ka mida hogaanka sare ee Ururka Horseed ayaa shirweynaha hortiisa ka akhriyey magacyada cod gacan taag loo qaadey ,islamarkaasina dhamaan la isku raacey ,iyadoona aysan jirin cid ka aaamustey ama diidey toona.
Halkan ka daawo: Sawiradda Ururka Horseed Qaybta 1aad
Gudoomiyaha Urur siyaasadeedka Horseed Dr.Cabdiraxman Maxamed Farole ayaa hadal kooban ka soo jeedshey shirweynaha ,waxana uu ka codsadey in tirada golaha dhexe ee ururka laga dhigo 250 xubnood halka horey 185 ay qorsheysneyd.
Go’aanka badinta tirada golaha dhexe ayaa mar labaad loo qaadey cod aqlabiyad lagu ansixiyey ,iyadoona GO ilo wareedyo u xaqiijiyeen in Ururka Horseed Dhalinyarada iyo Haweenku ay si weyn uga dhex muuqdaan golaha dhexe ee la dhisayo.
Halkan ka daawo: Sawiradda Ururka Horseed Qaybta 2aad
Shirkan oo lagu wadey in la soo gabogabeeyo maanta ayaa laba maalmood dib u dhacay oo uu shegeey gudoomiyaha ururka in wada tashi dib la iskugu laaban doono kadibna Isniinta Shirweynaha dib la isku iman doono.
Hoos kadhagayso Codka
Dhagayso Codka Munaasabada Ururka horseed
