Dhagayso:- Madaxwayne ku xigeenka Gal-mudug garabka Timo-kalajeex oo si Kulul u Weeraray Maamulka Cabdi Qaybdiid
Cali C/lle Axmed (Cali Tooyo) oo ah madaxweyne ku xigenka Maamulka Gal-mudug State garabka Timo-kala-jeex oo uu xilka wareejiyay Max,ed Axmed Caalin Madaxwaynihii hore ee maamulkaasi, ayaa waxaa uu sheegay in maamulka rasmiga ah ee xiligan ka taliya deegaanada Gal-mudug uu yahay midka iyaga ay madxda ka yihiin sida uu sheegay.
Cali Tooyo oo Waraysi gaar ah siinayay Saadaal Media ayaa ku eedeeyay General Cabdi Xasan Cawaale Qeybdiid in uu qas iyo fowdo uu ka wado deegaanadaasi islamarkaana kala geynayo bulshada deegaanadaasi ku nool uusan rabin deganaanshaha deegaanada galmudug.
Madaxweyne ku xigeenka maamulka Gal-mudug garabka Timo kala jeex ayaa sheegay in Cabdi Qeybdiid uu gacanta ku hayo warqad been abuur ah oo sida uu sheegay Cali Tooyo uu Cabdi Qeybdiid ka helay Wazaarada arimaha gudaha iyo Amniga Qaranka taasoo lagu aqoonsanayo maamulkaasi inuu madaxweyne ka yahay Cabdi Qeybdiid.
Dhinaca kale waxaa uu ka hadlay arimaha bani,aadanimada ee ka jira deegaanadaasi wuxuuna baaq u diray hay,adaha gargaarka isagoona ugu baaqay hadii ay gargaar keenayaan degaanadaasi in ay maamulkiisa ay kusoo wargeliyaan hadii kalena wixii ka imaada aanu iyaga mas,uul ka aheyn.
Ugu dambeyntii waxaa uu ugu baaqay bulshada deegaanadaasi ku nool in ay la shaqeeyaan maamulkiisa oo sida uu sheegay ah maamulka rasmiga ee degaanada Gal-mudug.
Hadalkani ka soo baxay Cali Tooyo ayaa imaanaya xili weli uu taaganyahay muran la xiriira cida ah madaxweynaha rasmiga ee maamulkaasi.
Hoos ka dhagayso
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
