Dhagayso:- Wafdigii Xildhibaanada ahaa ee Socdaalka ku Joogay gobolada dhexe oo gaaray Degmada Xananbuure ee gobolka Galgaduud
Wafdigii Xildhibaanada ahaa ee dhawaanahaan safarka ku marayay deegaano ka tirsan gobolada dhexe ee Soomaaliya ayaa shalay galinki danbe gaaray degmada Xananbuure ee gobolka galgaduud, halkaasi oo kusoo dhaweeyeen Maamulka degmadaasi iyo dadwayne Farabadan.
Gudoomiyaha degmada Xananbuure Caydiid Maxamed Cosoble oo ugu horayn halkaasi ka hadlay ayaa kaga Mahad celiyay Wafdiga Xildhibaanada iyo Maamulka gobolka galgaduud booqashadooda ay ku soo gaareen degmada Xananbuure, wuxuuna halkaasi ka sheegay Baahida ay dadka reer Xananbuure u qabaan dowladdnimada.
Gudoomiyaha gobolka galgaduud ee dowladda Soomaliya Axmed Yuusuf Ciyoow oo isna halkaasi ka hadlay ayaa kula dar daarmay Xildhibaanada Barlamanka Soomaaliya ee ku sugan degmadaasi iyo kuwa Jooga Magaalada Muqdisho inay il gaara kusoo eegaan deeganadooda.
Xildhibaanada oo halkaasi kula hadlay dadwayne Farabadan ayaa kaga Mahad celiyay sida diiran ee usoo dhaweeyeen waxaana ay sheegeen inay baahidooda u gudbin doonaan Dowladda Federaalka Soomaaliya.
Warbixinta Warkaasi waxaa Caabudwaaq kasoo diray Ayaanle Cabdullaahi Jaamac.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
